Hwyl Iau

Yn Neuadd Dewi Sant mae gennym feddwl mawr o bob un o aelodau ein cynulleidfaoedd, o'r ieuaf un, ar ddechrau darganfod cerddoriaeth glasurol, hyd at ein gwesteion cynefin dros y cenedlaethau.

Dyma pam rydym wedi creu'r tymor Hwyl Iau o sioeau yma'n arbennig i blant.

Does dim byd yn hafal i berfformiad byw i ymestyn dychymyg plant bach ac yn sgil gwisgoedd lliwgar, straeon bywiog a llond gwlad o gyfleoedd i'r gynulleidfa gymryd rhan, caiff y teulu i gyd fod yn rhan o'r difyrrwch. 

Mae'r hwyl yn dechrau'r eiliad y cerddwch chi drwy'r drysau, a modelu balwns a pheintio wynebau ar fynd ar Lefel 3 cyn ac ar ôl rhai soieau, a does dim gofyn poeni am ddim byd gan fod gennym gyfleusterau a gwasanaethau sy'n gymorth i rieni: 

• mynediad lifft i bob lefel
• cyfleusterau newid clytiau
• cyfleusterau twymo poteli - does rhaid i chi ond gofyn i un o'r tim arlwyo
• lle i adael coetshis cadair ar y llawr gwaelod
• cadeiriau uchel ar gael ym Mwyty’r Sêr ac Art Café Celf ill dau
• staff cyfeillgar bob amser yn barod eu cymwynas

Digwyddiadau i ddod